తెలంగాణ అగ్నిమాపకశాఖలో 225 డ్రైవర్‌ ఆపరేటర్‌ పోస్టుల ప్రకటన

 

Telangana అగ్నిమాపక శాఖలో 225 డ్రైవర్‌ ఆపరేటర్‌ పోస్టుల భర్తీకి రాష్ట్రస్థాయి పోలీసు  నియామక మండలి(TSLPRB) శుక్రవారం నోటిఫికేషన్‌ విడుదల చేసింది. 

ఇంటర్మీడియట్‌ ఉత్తీర్ణులై హెవీ మోటార్‌ వెహికల్‌ డ్రైవింగ్‌ లైసెన్స్‌ కలిగి ఉన్నవారు ఈ ఉద్యోగానికి అర్హులు. ఐటీఐలో ఆటోఎలక్ట్రిషియన్‌, మెకానిక్‌ మోటార్‌ వెహికిల్‌, మోకానిక్‌ డీజిల్‌, ఫిట్టర్‌ ట్రేడ్లు పూర్తి చేసిన వారు కూడా దరఖాస్తు చేసుకోవచ్చు. 

తెలంగాణ అగ్నిమాపకశాఖలో 225 డ్రైవర్‌ ఆపరేటర్‌ పోస్టుల ప్రకటన

ఈ పోస్టులకు పురుషులు మాత్రమే అర్హులు కాగా వయోపరిమితి 21- 25 ఏళ్లగా నిర్ణయించారు. ప్రభుత్వం ఇచ్చిన ఐదేళ్ల వయోసడలింపు ఈ పోస్టులకు వర్తిస్తుంది. జోన్ల వారీగా భర్తీ చేసే ఉద్యోగాలకు దేహదారుఢ్య, రాత పరీక్షల ద్వారా అభ్యర్థులను ఎంపిక చేస్తారు. 


ఈ పోస్టులకు  శనివారం నుంచి ఈ నెల 26వ తేదీ వరకు అభ్యర్థుల నుంచి దరఖాస్తులు స్వీకరిస్తారు. ఈ నోటిఫికేషన్‌కు సంబంధించిన మరిన్ని వివరాల కోసం TSLPRB వెబ్‌సైట్‌ను సందర్శించాలి. కాగా, పోలీసు నియామక మండలి గతంలో 17,291 పోస్టుల భర్తీకి సంబంధించి ఆరు నోటిఫికేషన్లు విడుదల చేసింది. ఈ 225 డ్రైవర్‌ ఆపరేటర్‌ పోస్టులతో ఆ సంఖ్య 17,516కి చేరింది


నేటి నుంచి 26వ తేదీ వరకు దరఖాస్తుల స్వీకరణ

CLICK HERE FOR DETAILED PDF NOTIFICATION